ASHAB E KAHAF

SALAM.

Quran mei Surah Kahaf mei Irshad e Bari tala hey k 

Janab  Syed Nazir Hussain apni Kitab Misbah ul Amliyaat mei buzurganey Ashab e Kahaf k bab mei safa number 45 mei buzurganey ashab e kahaf k mutalik kuch youn likhtey hyn k Kahaf k maini Arabi mei Ghaar aur Pahari waley aur garhey k heyn Chandh ashkas Badshah e waqt k khouf sey Pahar mei ja Chupey Quran e pak mei in ka zikar Tafseel sey Surah Kahaf mei hey wo uper hum post kar chukey heyn. ye aisi Muhataram aur Ba azmat  o Ba jalal Hastiya heyn k inka zikar bari izat  sey Quran Pak mei kiya gaya hey in ashab sey sath aek Kutta bhe hey jo Ghaar k Mu par baitha hua Haamp raha hey jaisey kutta taveel safar dour kar tai karney k bas hampta hey aur Ba Kudrate Elahi Qayamat tak k isi halat mei raheyga Ghaar k andar Ashab e kahaf soye hue hey aur baroz e mehshar tak sotey raheynge Hashar k din khuwab sey beydaar hongey aur kahengey k hum is qadar soye hyn k Din nikal aya  yani un k waste qayamat tak ka arsa sirif chandh ghanto ka khwab hoga Janab e Khatmi Martabat  ( Hazrat e Muhammad e Mustafa s.w ) ney in sey mulaqat ki tamana ki thi to to Quran e hakeem mei hukm aya k ae Rasool s.w aghar tum un k kuttey ko daikho gey to haibat sey pichey hat jaogey. ALLAH ALLAH jin ki ye shan ho k Sardar e do jaha in ki mulaqat k khuwan ho to phir dunya mei kis ki taqat hey k in tak puhnchey ( Khuda he in k rutbey sey wakif hey ).

Munjum e Azam Janab Syed nazir hussain k nam sey kon waqfiyat nahi rakhta un k mutabik Buzurganey Ashab e kahaf k nam jo buzurgo ney tehkeek k bad numaya keye wo hasbe zail heyn

ye total 8 nam heyn aur baz jaga ye miltey hyn

isi tarha boht si riwayat o aur teh kiko mei ikhtalafat hey maghar Quran mei is hawaley sey Irshad hey

Mola e Kainaat Hazrat e Ameer ul Momineen a.s Rasool e Khuda s.w sey Riwayat kartey hyn k

ye asma sey muraad nam e Buzurganey Ashab e kahaf hyn chu k mei puri detail share nahi kar sakti thi to mene beach mei sey ye rewayat ap ki nazar ki hey isi tarha kadeem kitabo mei kai nam in buzurgo k daikhne mei atey heyn in ki tadaad kitni hey ye humhari behez nahi Khuda he behtar janta hey Al bata jitney nam humhari nazar sey guzrey aur jitney in buzurgo k nam o k istemal hey wo bey shak la jawab heyn inshallah jitna mujh na cheez sey ho sakta aur jitni bataney ki mujhey ijazat hey utna mei zaroor shair karungi.


In sab Buzrgo k namo k kai istemal heyn maghar chu k ye boht boht he kass hey to zahir si baat hey k kuch aisey raaz bhe zaoor hongey jo Hamesha sey Pocheda rakhey gae hongey in k namo k wazaif taveezat aur degar istemal to boht si kitabo mei miltey heyn liken un k razo sey Agahi nahi farahm ki jati khair buzurganey ashab e kahaf ki nazar to nahi kahungi albata aek kisam ka tosha dilaya jata hey jin ki cheezy makhsoos heyn aghar ap kisi ruhani silsiley sey wabastagi rakhtey heyn aur apney ruhani silsiley k sarbarah buzurg sey ap k rawabit humkalami k ho jai ya hyn to ap ko wahi sey in razo ki haqeeqat mil sakti hey mujhey bataney ki ijazat nahi al batta amumi tor par jo tosha bhara jata hey us mei har cheez rakhi jati hey aur aek khas tosha jis sey boht kum loug agahi rakhtey heyn Buzurgane ashab k lye hota hey mei ap sey share karungi.

sab sey pehly ap aek pak bartan ley kar roghni ata gundhey jis mei elaichi shamil ho.

phr 2 pairey alaida kre jaise k uper di gai hui tasveer mei dikae gae hyn.

phr un pairo ki 2 adad roti pakae.

us k bad aek pak bartan mei roti rakh kar Desi Ghee,Shakar,aur Nariyal garam roti k sath mila k maleda tayyar kare.

jab is shakal ka maleda tayar ho jae to us mei sey ladu tayyar kre 7 adad 

Awal o Akhir 7 durood 1 martaba Surah Fateha 3 martaba Surah Ikhlas aur 1 martaba Surah Qadar PArh kar hadiya kre buzurganey ashab e kahaf ko aur tosha un ka dye.

Toshe k fawaid to boht hey jis ko share karna meri istetaat sey parey hey ap khud dey k fawaid ka indaza laga sktey heyn.( tosha har no chandi jumerat ko bhara jata hey )


ye khas tarika hey jis sey ye hastiya ruhani tor par madad gar bhe sabit hoti heyn aur in ka asma o sey kye gae kamo mei bhe madad milti hey 

ye pehla nam hey buzurganey Ashab e kahaf mei sey aur is k maini heyn naik seerat heyn aur  (imam buni ) k metabik is k maini  achi surat wala k hain  taskheer e khas k waste ye nam tajurba shuda hey
Janab Nazir hussain ( marhoom ) apni kitab misbah ul Amliyat mei pehly ism e Yamlikha k hawaley sey likhtey heyn. is k maini naik seerar k hain aur is k adad 691 heyn taskheer e khass k wastey ye ism nehayat zoor asar aur mery khanwad e Zanjani ka tajurba shuda hey tarqeeb is ki ye hey k 
nam e matloob ma a walida k adad e qamari nikal kar is mei ism e mazkura k adad shamil kre aur jab dono adad ki majmui shakal hasil ho jae to us ka musalas khali batan ko pur kre aur khali khaney mei ism e e azam " YA LATEEFO YA WADOODO " likhy ye naqsh e muazam safaal e Aab narseedha par likh kar chulhey mei is qadar gehra dafan kar deyn k isey garmi bhe puhanchti rahey aur jalney sey bhe mehfooz rahey Inshallah hul azeez aek haftey mei matloob k dil mei muhabat ki Aag bharaky lagey gi sath he wo likhtey heyn k ye Amal ghair e sharai jagah par na istemal kre warna boht nuksaan puhncheyga ( khair aek bat jo mei arz kardu k aghar cha ( marhoom ) is amal k istemal ka tarika bayan kartey heyn liken is ka har giz matlab ye nahi hey k unho nei is ki ijazat e aam dy rakhi hey us k lye apko ya to is nam  aur degar namo ki zakaat daini lazmi hey al bata aghar ap ba ijazat istemal kartey heyn to zakat ki qaid sey azad ho sktey heyn.) mazeed farmate heyn k ye bacho ka khel nahi  ye aisa buzurg amal hy jis k asar mei farq nahi parhta.

ye dusra nam hey is nam k abrani maini tandrust , salamti aur buzurg k heyn ye nam Maqsaad mei kamiyabi aur hifazat e nazre bad o degar me bhe karamat sabit hota hey.Munjm e azam is k mutalik tehreer kartey heyn is k abrani maini tandrust salamti aur buzurg k hey ( jaisa k uper bayan kar chuki hu ) adad e qamari is k 251hey aur musalas ala lkasoos musalas khali batan nehayat he azeem us shan hey mazeed tehreer kartey heyn k is k naqsh ko pur kar k aghar ghorey ( Horse ) ki gardan mei bandh diya jae to wo ghora ( Horse ) kuwat sey zeyada chalney par qadir hoga. race k ghoreo k ko jitaney k lye ye amal nehayat behtar hey.
                                                  Is naqsh e muazam ko aghar kisi jahaz ya kashti mei bandh diya jae to ba hukme khuda gharak honey sey mehfooz rahey gi aghar kisi bachey k galey mei ye naqsh daal diya jae to bacha nazr e bad sey aur kul afaat  sey mehfooz raheyga aghar pehelwaan kushti kre to jis k pass ye naqsh hoga wo ba hukme khuda ghalib raheyga aur boht sey falki asraat is k heyn balkey banu israeel k kumaar baz juwey mei jeet k lye is ka istemal kartey they. 

ye teesra nam hey is k maini kisi cheez ko asaan kar dyne wala k heyn adad e qamari is k 414 heyn  aur tarika e istemal kuch youn hey k jo koi isey marbaa ya musalas mei pur kar k 3 din tak darya k pani mei daley to jo ap ka maqsad hoga asaan ho jaiga aur aghar matloob k nam aur us ki walida k nam k adad nikal kar us mei ism e mazkoora k adaad jama kye jae phr  is ka khali batan pur kar k darmiyan waley khaney mei ism e mazkoora likhey aur us k nichey maqsad bhe likhey aur surah kahaf ya surah hashr mei rakh chorey to thorey he arsey mei qaid sey nijaat paega

ye chohta nam hey jis ka maini Qabil o azeem  ya layak k heyn   ye nam taraki o kamiyabi manzilat dolat k lye boht pur taseer hey zaman a e qadeem mei is nam sey un ashkaas ko pukaraya jata tha jo sab sey zeyada mohtaram hotey they aur ye nam buzurgan e ashab e kahaf k chotey buzurg ka he tah is ism k Qamari adad 423 hyn mazeed tehreer kartey hyn k taraki dolat ja o manzilat k wastey boht pur asar hey asal amal to Sharf e Mushtari mei hey maghar Sayar e  mushtari 13 baras mei apna doraniya pura kar k Sharaf mei ata hey maghar Aftaab Saal mei aek martaba zaroor Sharf mei ata hey maghar ba zarurat ye amal Sharf e Qamar mei bhe kar saktey hey wo Har mah ata hey.Maghar jo Amal Sharf e Mushtari mei keya jaega wo he akseer aur apni misaal ap hoga tarkeeb sab ki aek he hey kisi bhe Sharf mei is ka Marbah naqsh Zafraan, aghar Zafraan dastiyab na hoto Haldi k rang sey Gahaz Safaid par alag alag 16 Naqsh tehreer kre jis mei sey 15 naqsh atey mei goliya bana k lapait lyn aur darya mei daal deyn aghar darya na ho to Zameen mei dafan kar deyn aur jo aek naqsh bacha tah usey moom jama kar k ahteyat sey ghar mei aisi jaga rakhey jaha sey isey koi nikal na sakey ab us k bad ap 9 masha chandi ka patra marba banwae yani khoob barek patra  karlyn aur is par ye marba kisi nowk dar cheez ya electric pen sey tehreer kar lyn ya kisi sahib e zakaat sey ye naqsh kunda karwa lyn is k lye koi din waqt ya tareekh mukarar nahi hey aur naqsh k nichey apna nam bama walida tehreer kar k uper ye ism e azam likhey

ab is patri ko achey sey teh kar k taveez bana lyn patra aghar bareekh hoga to achey sey taveez ban jaiga phr is chandi k taveez ko safaid raishmi kaprey mei si kar apne bazu par bandh lyn ya galey mei daal lyn Ba hukme Khuda wandh rozi mei barqat hogi aur makhlook mei izat hogi  aghar bachey k galey mei dala jae to nazr e bad chechak sey mehfooz raheyga aur aghar imtehanaat mei kamiyabi k lye ye naqsh likh kar pas rakhey ga to Ba hukmey Khuda wandh kamiyabi hogi aur jab kamiyabi naseeb ho jae to taveez ki chandi ko khairaat kar deyn.

ye panchwa nam hey buzrgane ashab e kahaf k buzrgo mei ka is k maini heyn khubsoorat ya jazb karne wala  ye musakhar o taskeer k amal mei teer ba hadaf sabit hota hey is ism k adad e Qamari 536 heyn aur adad e Shamsi is k 3241 heyn taskheer aur hub k kamo mei adad e Shamsi zeyada pur asar hotey heyn aur adad e qamari bhe ghair mosar nahi aur baaz maqamaat par adad e qamari he zeyada pur asar sabit hotey heyn  liken ye farq Amlieen he Talib o Matloob k nam o aur sitaro ki munasbat sey jantey heyn.naqsh e marba ya khali batan pur kar k nichey maqsad likhey aur bas nam e matloob bama walida mei adad e ism e mazkora shamil kar k naqsh pur karey Jaga o  waqt   ki koi qaid nahi

ye chatta nam hey is k maiini tandotaiz k heyn hey aur imam buni ne is k maini taqatwar bayan kye hyn taskeer e hakim e bala aur bimario k lye akseer hey.ye buzurg  boht buzurg aur jala waley heyn is ism k adad e qamari 528 heyn  is ism e mozam ka Marba pur kar k matloob k bazu par bandh diya jae to tap larza ba hukmei Khuda jata rahey ga aur is ism ka khali batan aur musalas boht taiz hey buzurgo ney isey hamesha awam sey posheda rakha hey kyun k bey ahteyati sey Amil ko nuqsaan puhanch sakta hey.baz okat aek adna si chingari bhe boht nuksaan puhncha dyti hey khair aur adad e Shamsi is k 2535 hyn .is ka naqsh pur kar k khali batan k darmiyani khaney mei Surah zilzal ki pehli ayat likh choreyn us k bad naqsh e mozam apney samney khol k rakhey aur 10 martaba Surah zilzal tilawat kar k awal o akhir duroor k sath is naqsh par phonk deyn us k bad naqsh ko hatho par bulandh kre aur dua kre  k is naqsh e mozam k tufail falah bin ya binte falal k dil mei meri muhabbat o shouq paida ho jawey ye 10 din ka amal hey Khuda ney chaha to 10 din k andar matloob muhabat karne lagey ga koi khas din ya mahina mukarrar nahi aghar urooj e mah mei keya jae to zeyada aur kamil asar ki umeed hey warna jab zarurat paish ae afsarya hukam e bala ki taskheer k lye bhe is amal ko keya ja sakta hey .

yeh sathwa ism e mubarak hey is k maini azeem o bala ya unchai k hyn .aur is k adad e Qamari 203 hey is ka marba ,khali batan pur kar k nichey ism e mazkora likh kar bama kam  bojh pathar k nichey daba deyn to thorey he arsey mei jis maqsad k lye baja laingey to wo pura hoga

ye athwa aur akhiri nam bhe kaha jata hey iktalaf e rae to har jaga he hota hey albata is nam par to sab he ka itefaq bhe hey aur ye us Janwar ( SAG ) ka nam hey jo buzurganey ashab e kahaf k sath hey aur is k maini thori cheez safaid khaal jaisi haddi k heyn. Imam buni farmatey heyn k ye ism Dafina ki hifazat ,Hifazat e maal o asbaab k lye muasar hey


to be continue  tab tak k lye
Khuda Hafiz

Syeda Fatima Jaffary
0332-3708955  ( Whats-app )
0313-6483337